Պենտագոնի պաշտոնյաները վրդովված են վերանվանումից․ Politico

6 ՍԵՊ 2025 12:21

Պենտագոնի պաշտոնյաները վրդովված են ԱՄՆ Պաշտպանության նախարարության վերաբրենդինգից: Շատերն արտահայտել են իրենց հիասթափությունը, զայրույթը և բացահայտ շփոթությունը Դոնալդ Թրամփի՝ գերատեսչությունը Պատերազմի նախարարության վերափոխելու ջանքերի կապակցությամբ:

Ըստ Politico-ի, կոսմետիկ փոփոխությունները կարող են արժենալ միլիարդավոր դոլարներ, սակայն չեն օգնի լուծել բանակի խնդիրները, ինչպիսիք են ավտորիտար պետությունների ավելի ագրեսիվ դաշինքին հակազդելը:

«Սա բացառապես ներքին քաղաքական լսարանի համար է», - հայտարարել է Պաշտպանության նախարարության նախկին աշխատակիցը: «Սա ոչ միայն կարժենա միլիոնավոր դոլարներ, այլև բացարձակապես ոչ մի ազդեցություն չի ունենա Չինաստանի կամ Ռուսաստանի հաշվարկների վրա: Ավելին, մեր թշնամիները կօգտագործեն սա՝ ԱՄՆ-ին ներկայացնելու որպես պատերազմի հրահրող և միջազգային կայունությանը սպառնացող»:

Բացի այդ, պաշտոնյաները ստիպված կլինեն փոխել Պաշտպանության նախարարության կնիքները 40 երկրում և ԱՄՆ-ի բոլոր 50 նահանգներում գտնվող Պենտագոնի ավելի քան 700,000 օբյեկտում:

Սա ներառում է ամեն ինչ՝ սկսած զինված ուժերի վեց ճյուղերի և տասնյակ այլ գերատեսչությունների ֆիրմային բլանկներից մինչև ճաշարաններում օգտագործվող դաջված անձեռոցիկներ, Սենատի կողմից հաստատված պաշտոնյաների համար նախատեսված ասեղնագործված բաճկոններ, ինչպես նաև Պենտագոնի խանութում վաճառվող բանալու կախիչներ և զարդեր:

«Կառաջանան միլիոնավոր մանր խնդիրներ և անհարմարություններ», - ասել է Պաշտպանության նախարարության ներկայացուցիչը: «Սա կխլի հսկայական ժամանակ և ջանքեր»:

Անվանումը պաշտոնապես փոխելու համար, ամենայն հավանականությամբ, պահանջվելու է Կոնգրեսի կողմից օրենքի ընդունում, թեև քննարկումներին ծանոթ աղբյուրը հայտնել է, որ Սպիտակ տունը փնտրում է Կոնգրեսում քվեարկությունից խուսափելու ուղիներ:

Առաջարկվող հոդվածներ

Մուտք գործեք կամ ստեղծեք անվճար ReOpen Media հաշիվ՝ մեկնաբանություններ տեղադրելու համարԳրանցվել