Եվրոպան քննարկում է Ուկրաինայում բուֆերային գոտու ստեղծումը

Եվրոպական առաջնորդները քննարկում են Ռուսաստանի և Ուկրաինայի ճակատային գծերի միջև 40 կմ բուֆերային գոտի ստեղծելու գաղափարը՝ խաղաղության համաձայնագրի շրջանակում: Այդ մասին գրում է POLITICO-ն։

Հինգ եվրոպացի դիվանագետների խոսքով՝ այս առաջարկը մի քանի տարբերակներից մեկն է, որոնք դիտարկվում են Ուկրաինայում հետպատերազմյա կամ հաշտության սցենարի համար: Կիևը կարող է մերժել պլանը՝ տարածքային զիջումների պատճառով, ԱՄՆ-ը ներգրավված չէ քննարկումներում:

Ռուսաստանի նախագահ Վլադիմիր Պուտինը մերժում է մարտերը դադարեցնել: Օգոստոսի 27-28-ը Մոսկվան հարձակվել է Կիևի կենտրոնի վրա, ինչի արդյունքում շուրջ 20 խաղաղ բնակիչ է զոհվել:

Բուֆերային գոտին կպահանջի 4000-ից 60,000 զինծառայող, սակայն թե մասնակից երկրներից որը որքան ներդրում կունենա այդ կազմն ապահովելու հարցում, դեռ հստակ չէ։ Ֆրանսիան և Բրիտանիան կարող են առաջնորդել խաղաղապահ ուժերը, բայց Լեհաստանը մտահոգություն է հայտնել, որ դա կթուլացնի ՆԱՏՕ-ի արևելյան թևը:

Դաշնակիցները սպասում են մանրամասների՝ ներառյալ ներգրավման կանոնները և Ռուսաստանի էսկալացիայի կառավարումը: Որոշները մտավախություն ունեն, որ գոտին կարող է ռիսկի ենթարկել Ուկրաինայի քաղաքները:

ԱՄՆ-ն կարող է տրամադրել արբանյակային հետախուզություն, բայց եվրոպացի գործընկերներին զգուշացրել է, որ նվազագույն դեր է ստանձնելու: Եվրոպացիները փորձում են արագ գործել՝ նախքան ԱՄՆ քաղաքականության հնարավոր փոփոխությունները: