ԱՄՆ-ն նվազագույն դեր կունենա Ուկրաինայի անվտանգության հարցում. Politico

«Մենք վերադարձել ենք այն կետին, որտեղ գտնվում էինք գարնանը», - հայտարարել է Պենտագոնը՝ նշելով, որ ԱՄՆ-ը նվազագույն դեր կխաղա Ուկրաինայի անվտանգության ապահովման գործում, հայտնում է Politico-ն։

Պենտագոնի բարձրաստիճան պաշտոնյաներից մեկը՝ քաղաքականության գծով, փոքր խմբով դաշնակիցներին հայտնել է, որ ԱՄՆ-ը մտադիր է նվազագույն դերակատարություն ունենալ Ուկրաինայի անվտանգության երաշխիքների ապահովման հարցում։

Սա ամենահստակ նշաններից մեկն է, որ Եվրոպան ստիպված կլինի ստանձնել ամուր խաղաղություն պահպանելու բեռը։ Այս մեկնաբանությունները, որոնք արել է պաշտպանության նախարարի տեղակալ Էլբրիջ Քոլբին՝ քաղաքականության գծով, հնչել են ի պատասխան եվրոպական ռազմական առաջնորդների հարցերի։

Եվրոպացի պաշտոնյայի և բանակցությունների մասին տեղեկացված մեկ այլ անձի խոսքով՝ Մեծ Բրիտանիայի, Ֆրանսիայի, Գերմանիայի և Ֆինլանդիայի պաշտպանության նախարարությունների ղեկավարները հորդորել են ամերիկյան կողմին բացահայտել, թե ինչ զորքեր և ավիացիոն միջոցներ է այն տրամադրելու Ուկրաինային՝ Ռուսաստանի հետ խաղաղ համաձայնագիրը պահպանելու համար։

«Ի վերջո, մենք վերադարձել ենք այն կետին, որտեղ գտնվում էինք գարնանը՝ կամավորների կոալիցիայով», - ասել է եվրոպացի պաշտոնյաներից մեկը։