Երևանի փոխքաղաքապետի անունով WhatsApp կեղծ հաշիվ է բացվել

Երևանի փոխքաղաքապետ Արմեն Փամբուխչյանը սոցցանցի իր էջում տեղեկացրել է, որ իր անունով WhatsApp հաշիվ է բացվել այլ հեռախոսահամարից։

«Հնարավոր է՝ ստանաք հաղորդագրություններ, որոնք կարող է թվալ, թե ուղարկված են իմ կողմից, բայց դա ես չեմ։ Նման հաղորդագրություններ կարող են գալ ոչ միայն WhatsApp-ից, այլև Telegram-ից կամ այլ հարթակներից»,- գրել է Փամբուխչյանը՝ հորդորելով նման դեպքերում զգոն լինել․ «Խնդրում եմ՝

-Չպատասխանել նման հաղորդագրություններին,

-Չսեղմել հղումների վրա,

-Չտրամադրել անձնական տվյալներ։

Խնդրում եմ, նախքան արձագանքելը, միշտ վստահ լինել, որ հաղորդագրությունը իսկապես իմ կողմից է»,- գրել է փոխքաղաքապետը։