ՊՆ-ն առաջարկում է պարտադիր զինծառայությունը դարձնել 18 ամիս

Հայաստանի Հանրապետության պաշտպանության նախարարությունը հանրային քննարկման է ներկայացրել «Զինվորական ծառայության և զինծառայողի կարգավիճակի մասին» օրենքում փոփոխությունների նախագիծ, որով առաջարկվում է պարտադիր զինվորական ծառայության ժամկետը սահմանել 18 ամիս:

Հիմնավորման մեջ նշվում է, որ ՀՀ կառավարությունը 2021-2026 թվականների ծրագրով նախատեսել է պարտադիր զինվորական ծառայության ժամկետի կրճատում՝ պայմանագրային ծառայության ծավալների ավելացման հաշվին:

Պաշտպանության նախարարությունը նպատակահարմար է համարել շարքային կազմի համար գործող 24-ամսյա պարտադիր զինվորական ծառայության ժամկետը 2026 թվականի ամառային զորակոչից կրճատել 6 ամսով՝ սահմանելով 18 ամսվա ժամկետ:

Նախագծի համաձայն՝ փոփոխությունը կկիրառվի 2026 թվականի ամառային զորակոչից սկսած: