Պիկասոյի «Կիթառով նատյուրմորտ» նկարը կորել է տեղափոխման ընթացքում

Մադրիդից Գրանադա տեղափոխման ընթացքում կորել է Պաբլո Պիկասոյի՝ 1921թ. «Կիթառով նատյուրմորտ» նկարը։ Ոստիկանությունը դեռ պարզում է՝ արդյոք խոսքը պատահական կորստի մասին է, թե պլանավորված գողության: Չափսերի փոքր լինելը՝ 12,7 x 9,8 սմ, անհավանական չի դարձնում պարզապես անփութության արդյունքում կորելը։ Այս գործը պետք է ցուցադրվեր CajaGranada հիմնադրամում: Պաբլո Պիկասոյի 1921 թվականին գուաշով ստեղծած «Կիթառով նատյուրմորտ» կտավը պետք է դառնար «Նատյուրմորտ. La eternidad de lo inerte» ցուցահանդեսի մասը։ Կտավը մասնավոր սեփականություն էր։ Այն դեռ չի հաջողվել գտնել։