Փեզեշքիան․ Թեհրանը պատերազմի չի ձգտում

Իրանը պատերազմի չի ձգտում, բայց վճռականորեն կդիմակայի ցանկացած ագրեսիայի։ Իրանի նախագահ Մասուդ Փեզեշքիանի խոսքերն է մեջբերում Mehr-ը։ Օգոստոսի 28-ին երեք քաղաքական գործիչների և մեդիա ակտիվիստների հետ մամուլի ասուլիսում Փեզեշքիանը մտահոգություն է հայտնել ազգային միասնության և պատժամիջոցների վերականգնման («սնեփբեք») մեխանիզմի հնարավոր ակտիվացման վերաբերյալ։ Նա նաև քննադատել է եվրոպական որոշ երկրների, որոնք խախտել են միջազգային օրենքները՝ Իրանին մեղադրելով պահանջներին չհամապատասխանելու մեջ:

«Բնականաբար, մենք չենք ուզում, որ «արագ արձագանքման» մեխանիզմը ակտիվանա», - ասել է Փեզեշքիանը։ Խոսելով հակամարտությունների վերաբերյալ Թեհրանի դիրքորոշման մասին՝ նա ընդգծել է․ «Մենք երբեք չենք խուսափել հակամարտություններից և մեր ժողովուրդը ցույց է տվել, որ պատերազմի ժամանակ ներքին համախմբվածությունը զգալիորեն ամրապնդվում է»։