Պետդեպը հրապարակել է Վաշինգտոնի փաստաթղթերը

Միացյալ Նահանգները՝ Հայաստանի Հանրապետության և Ադրբեջանի Հանրապետության հետ համատեղ, հրապարակում են օգոստոսի 8-ին նախագահ Թրամփի՝ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ կայացած պատմական հանդիպման եզրափակիչ փաստաթղթերը, հանդիպում, որը սկիզբ կդնի նոր խաղաղությանը Հարավային Կովկասի տարածաշրջանում։ Այս մասին ասվում է ԱՄՆ Պետդեպարտամենտի հայտարարության մեջ։

«Այդ փաստաթղթերը ներառում են. Ադրբեջանի նախագահի և Հայաստանի վարչապետի համատեղ հայտարարությունը՝ Վաշինգտոնում կայացած նրանց հանդիպման արդյունքների վերաբերյալ, Հայաստանի Հանրապետության և Ադրբեջանի Հանրապետության միջև Խաղաղության խաչմերուկի հարցով հուշագիրը, ԱՄՆ-ի և Ադրբեջանի Հանրապետության կառավարությունների միջև փոխըմբռնման հուշագիրը՝ ԱՄՆ-ի և Ադրբեջանի Հանրապետության միջև ռազմավարական գործընկերության կանոնադրություն մշակելու համար ռազմավարական աշխատանքային խումբ ստեղծելու վերաբերյալ, Միացյալ Նահանգների կառավարության և Հայաստանի Հանրապետության կառավարության միջև փոխըմբռնման հուշագիրը՝ խաղաղության ճանապարհների խաչմերուկում ներուժի կուտակման գործընկերության վերաբերյալ, Միացյալ Նահանգների կառավարության և Հայաստանի Հանրապետության կառավարության միջև փոխըմբռնման հուշագիրը՝ արհեստական բանականության և կիսահաղորդչային նորարարությունների ոլորտում գործընկերության վերաբերյալ, և Միացյալ Նահանգների կառավարության և Հայաստանի Հանրապետության կառավարության միջև փոխըմբռնման հուշագիրը՝ էներգետիկ անվտանգության ոլորտում գործընկերության վերաբերյալ», - նշվում է հաղորդագրության մեջ։