Պենտագոնը ԱԹՍ-ների դեմ պայքարի խումբ է ստեղծում․ Փիթ Հեգսեթ

Պենտագոնը ստեղծում է աշխատանքային խումբ անօդաչու թռչող ապարատների դեմ պայքարի համար։ Այս մասին ԱՄՆ պաշտպանության նախարար Փիթ Հեգսեթը հայտարարել է իր X էջում տեսաուղերձում։ «Չկա կասկած, որ թշնամական անօդաչուների կողմից մեզ սպառնացող վտանգները աճում են օր օրի, - նշել է նա։

Մենք դա տեսնում ենք մարտադաշտում՝ հեռավոր վայրերում և մեր սահմաններում», - հավելել է նախարարը։ Հեգսեթի խոսքով՝ կա անօդաչուների կիրառման վտանգը ամերիկյան ուժերի դեմ հարվածներ հասցնելու և ԱՄՆ օդային տարածքը խախտելու համար։

«Ահա թե ինչու այսօր ես հանձնարարում եմ Բանակի նախարարին (ԱՄՆ ցամաքային զորքերի հրամանատարին- խմբ.) ստեղծել համատեղ միջգերատեսչական աշխատանքային խումբ։ Սա նոր միավորված խումբ է, որտեղ կհավաքվեն մեր բոլոր գերատեսչությունների լավագույն մասնագետները՝ այդ սպառնալիքներին արձագանքելու և մեր երկնքի նկատմամբ վերահսկողությունը վերականգնելու համար», - հավելել է Պենտագոնի ղեկավարը։ Նա հստակեցրել է, որ խումբը կզբաղվի «ԱԹՍ-ների դեմ պայքարով»։