«Արցախը Հայաստան է ու վերջ» ասել եմ, քանի որ հայրենասեր եմ եղել․ Նիկոլ Փաշինյան

«Արցախը Հայաստան է ու վերջ» ասել եմ, քանի որ հայրենասեր եմ եղել։ «Քաղաքացիական պայմանագիր» կուսակցության համաժողովում հայտարարել է Նիկոլ Փաշինյանը՝ նշելով, որ դրան հաջորդած իրադարձությունները խմբագրեցին առկա կարծրատիպերը՝ նաև իր դիրքորոշման մեջ։

«Հիմա ես հայրենասեր եմ Հայաստանի սնուցող մայրերի հանձնարարած հայրենասիրության մոդելով։ 2019-ին հայրենասեր էի այդ պահին Հայաստանում առկա հայրենասիրության միակ մոդելով։ Այդ մոդելը խորհրդային կայսրության ղեկավարների հանձնարարած հայրենասիրության մոդելն էր։

Մինչև իրական Հայաստանի գաղափարախոսությունը՝ Հայաստանում գոյություն ունեցած հայրենասիրության մոդելը մեծամասամբ հենվել է 1940-80թթ․ ձևավորված գրքերի, երգերի վրա»,- նշել է Նիկոլ Փաշինյանը։