ՀՀ վարչապետը կմասնակցի Պեկինում անցկացվելիք ռազմական շքերթին

Չինաստանի նախագահ Սի Ծինփինի հրավերով ՀՀ վարչապետ Նիկոլ Փաշինյանը Չինաստան այցի ընթացքում ոչ միայն կմասնակցի Շանհայի համագործակցության կազմակերպության գագաթնաժողովին, այլև կմասնակցի Ճապոնիայի նկատմամբ Չինաստանի տարած հաղթանակի 80-ամյակին նվիրված՝ Պեկինում սեպտեմբերի 3-ին անցկացվելիք ռազմական շքերթին։ Դրա մասին այսօր՝ օգոստոսի 25-ին, Հայաստանում Չինաստանի դեսպանատանը կազմակերպված ընդունելության ժամանակ հայտարարեց դեսպան Լի Սինվեյը։

Հիշեցնենք, որ ինչպես հայտնել էինք ավելի վաղ, Շանհայի համագործակցության կազմակերպության գագաթնաժողովը տեղի կունենա Տյանցզինում, օգոստոսի 31-ից սեպտեմբերի 1-ը։ Մասնակցության հրավեր է ստացել է նաև ՀՀ վարչապետ Նիկոլ Փաշինյանը։