Փաշինյանն անդրադարձել է Նեթանյահուի հայտարարությանը՝ ցեղասպանության թեմայով

Ակնհայտ է, որ [Ցեղասպանության մասին Նեթանյահուի] հայտարարությունը կապ չունի ոչ ՀՀ-ի, ոչ ՀՀ ժողովրդի, ոչ հայ ժողովրդի շահերի հետ։ Այս մասին հայտարարել է Նիկոլ Փաշինյանը։

«Սա էն իրավիճակն ա, որ մենք էդ թեմայի հետ պետք ա առերեսվենք, հասկանանք՝ մենք ուզում ե՞նք, որ Հայոց ցեղասպանության ճանաչումը կամ չճանաչումը լինի աշխարհաքաղաքական մանրադրամ ուրիշների ձեռքում, որը մեր իրականության, մեր պետության շահերի եւ ժողովրդի շահերի հետ ընդհանրապես որեւէ կապ չունի, մենք ուզում ե՞նք, որ Հայոց ցեղասպանության ճանաչումը լինի ուղղակի հարցազրույցում պատահականության կամ շփոթմունքի արդյունքում արտահայտած ինչ-որ մի բան։ Ես չեմ ուզում, որ մենք մեր նահատակներին էսպիսի կարգավիճակի մեջ դնենք, մենք պետք է կենտրոնանանք մեր պետության շահերի վրա»,- նշել է ՀՀ վարչապետը։