Փաշինյան. մենք քանդել ենք Հայաստանի հազարամյա անեծքը

«Հայաստանում երբեք այս ծավալի շինարարություն չի եղել, բայց մեզ մեղադրում են քանդելու մեջ։ Ինչո՞ւ։ Որովհետև մենք քանդել ենք Հայաստանի վրա կապված հազարամյա անեծքը, որը մեզ թույլ չէր տալիս ունենալ իրապես անկախ, իրապես ինքնիշխան պետություն: Մենք քանդել ենք այդ անեծքը»,- «Քաղաքացիական պայմանագիր» կուսակցության համաժողովում հայտարարել է Նիկոլ Փաշինյանը՝անդրադառնալով, իր խոսքով, խորհրդային տարիներից ժառանգած հայրենասիրության մոդելին։

Ընդգծել է, որ այդ ճանապարհին ՔՊ կուսակցության անդամները իրենց մեծ դերն են ունեցել՝ նաև բազմաթիվ ճնշումների ենթարկվելով։

««Քաղաքացիական պայմանագիր» կուսակցության անդամ լինելը, կուսակցությունն անհնարինն անելու կուսակցություն է, և մենք իրար հետ արել ենք և անում ենք անհնարինը և ահա ՀՀ-ն կանգուն ու ծաղկուն է՝ որպես ազատ, ինքնիշխան ու խաղաղ պետություն»,- ասել է Փաշինյանը։