Փաշինյան. իշխանությունն է ժողովրդավարական արժեքների կրողը

Ո՞վ է ժողովրդավարության ու ժողովրդավարական արժեքների կրողը։ Թույլ տվեք ասել, որ այս դեպքում, այդ արժեքների կրողը իշխանությունն է։ Սեպտեմբերի 22-ին «Ժողովրդավարության ֆորում»-ում այդ մասին հայտարարել է ՀՀ վարչապետ Նիկոլ Փաշինյանը։

«Վերջին շրջանի քաղաքական գաղափարական հայեցակարգի փոփոխություններով և հարցադրումներով ժողովրդավարության համար ավելի լայն դաշտ ենք բացում»,- նշել է Նիկոլ Փաշինյանը։

«ՀՀ վարչապետը խոսել է նաև «ժողովրդավարության մեծագույն պրոբլեմի» մասին։ Նրա կարծիքով՝ դատական իշխանության ու ժողովրդի միջև օրգանական կապ չկա։ Գործող Սահմանադրությամբ դատական իշխանությունը ոչ միայն չի բխում ժողովրդից, այլև ժողովրդի և դատական իշխանության միջև կապը կտրված է, մինչդեռ մեր երկրում իշխանությունը պատկանում է ժողովրդին։ Այդ խնդիրը լուծելու համար մտադիր է Հայաստանում ստեղծել երդվյալ ատենակալների ինստիտուտ, «Ժողովրդավարության ֆորում»-ում հայտարարել է ՀՀ վարչապետը։