Կտրիճ Ներսիսյանը կարգալույծ է, հետևաբար չի կարող կարգալույծ անել․ Փաշինյան

Նիկոլ Փաշինյանն արձագանքել է կաթողիկոսի հայտարարությանը, թե, ըստ Կանոնագրքի, կարգալույծ քահանան չի կարող պատարագ մատուցել։ Նույն Կանոնագրքին հղում անելով՝ վարչապետը պնդում է, որ դրանից առաջ փաստացի կարգալույծ է դարձել հենց կաթողիկոսը։

«Կտրիճ Ներսիսյանը չի կարող լինել Ամենայն Հայոց Կաթողիկոս, որովհետև դրժել է կուսակրոնության ուխտը, և այդ փաստի բերումով կարգալույծ է, հետևաբար կարգալույծը չի կարող կարգալույծ անել, հետևաբար Տեր Արամ Ասատրյանը կարող է պատարագ մատուցել Հովհաննավանքում, և ես, ինչպես նախորդ կիրակի, այս կիրակի ևս Հովհաննավանքում մասնակելու եմ պատարագին»,- ասել է ՀՀ վարչապետը։