Դրոշմից Արարատի պատկերը հեռացնելու հարցը Թուրքիայի հետ չի քննարկվել․ Փաշինյան

Վարչապետ Նիկոլ Փաշինյանն արձագանքել է դրոշմի վրա Արարատի բացակայության շուրջ հարցին՝ ընդգծելով, որ Հայաստանի և Թուրքիայի միջև երբևէ նման հարց չի քննարկվել որևէ բանակցության շրջանակում։

«Դրոշմի հետ կապված խնդիրը շրջանառության մեջ է դրվել ամիսներ առաջ, երբ անգամ տեսական պայմանավորվածություններ չկային, այդ թվում՝ Թուրքիայի հատուկ ներկայացուցչի հնարավոր այցի շուրջ»,-ասել է Փաշինյանը։

Վարչապետը կարևորել է նաև Հայաստանի Հանրապետության տարածքային ամբողջականության և ինքնիշխանության նկատմամբ սեփական վերաբերմունքը, ընդգծելով․

«Մեր ազգային անվտանգության ռազմավարության առանցքային գործոնը լեգիտիմությունն է։ Դա նշանակում է, որ մենք ինքներս պիտի ճանաչենք և ճանաչում ենք Հայաստանի տարածքային ամբողջականությունը, ինքնիշխանությունը և միջազգային ճանաչված սկզբունքները»,-նշել է նա։