Նոր տվյալներ Փաշինյան-Ալիև-Թրամփ հնարավոր հանդիպման մասին

Ադրբեջանցի լրագրողը հավելյալ տեղեկություններ է հրապարակել շաբաթվա վերջին Սպիտակ տանը սպասվող հանդիպման մասին՝ նշելով, որ Թրամփը առանձին-առանձին հանդիպելու է Հայաստանի վարչապետին և Ադրբեջանի նախագահին, ապա երեքով միասին հանդես կգան համատեղ հայտարարությամբ։

Հիշեցնենք, որ այսօր ՀՀ վարչապետի աշխատակազմից Վաշինգտոնում անոնսավորվող հանդիպման մասին տեղեկությունը ոչ հաստատել են և ոչ էլ հերքել։

«Նման այցերի պարագայում, բնականաբար, լինում է պաշտոնական հաղորդագրություն, եւ տեղեկատվությունը հաստատված կարելի է համարել պաշտոնական հաղորդագրության պարագայում։ Այս պահին, ինչպես գիտեք, պաշտոնական որեւէ հաղորդագրություն չենք հրապարակել եւ հետեւաբար այցի մասին տեղեկատվությունը խնդրում ենք հաստատված համարել միայն պաշտոնական հաղորդագրությունից հետո», - հայտնել էին վարչապետի աշխատակազմից։