Փաշինյանն ու Ալիևը հանդիպել են ՇՀԿ գագաթնաժողովին

Աշխարհը խոսում է Արևմուտքի 500 տարվա գերիշխանության ավարտի մասին։ Գլուխ է բարձրացնում Արևելքը, առաջին հերթին՝ Չինաստանն ու Հնդկաստանը։ Եվ նրանց է միանում՝ Ռուսաստանը։ Սա է այն գլխավոր միտքը, որը հնչում է այս օրերին հիմնականում ոչ արևմտյան դաշտում։

Չինաստանում են հավաքվել աշխարհի բազմաթիվ երկրների առաջնորդներ, որոնք շատ ուշագրավ հայտարարություններ են անում։ Այստեղ են բոլոր գլխավոր դերակատարները՝ բացի արևմուտքի տերություններից։ Պուտին, Սի Ծինփին, Էրդողան, Փեզեշքիան, Հնդկաստանի վարչապետը, նույնիսկ՝ Կիմ Չեն Ընը, և իհարկե Նիկոլ Փաշինյանն ու Իլհամ Ալիևը։ Նիկոլ Փաշինյանն առանձին հանդիպել է Էրդողանի, Ալիևի, Պուտինի հետ։