ԵԱՀԿ-ն որոշել է փակել Մինսկի գործընթացը

ԵԱՀԿ-ն ընդունել է որոշում՝ փակելու Մինսկի գործընթացը և դրա հետ կապված կառույցները:

2025 թվականի սեպտեմբերի 1-ին ԵԱՀԿ նախարարների խորհուրդը որոշում է ընդունել ԵԱՀԿ Մինսկի գործընթացի և դրա հետ կապված կառույցների փակման մասին, հղում անելով Ադրբեջանի ԱԳՆ-ին, փոխանցում է APA-ն:

Որոշման համաձայն՝ 2025 թվականի օգոստոսի 8-ին Վաշինգտոնում կայացած Ադրբեջանի նախագահի և Հայաստանի վարչապետի հանդիպման շրջանակներում, ԱՄՆ նախագահի հրավերով և մասնակցությամբ, Ադրբեջանի և Հայաստանի արտգործնախարարների՝ ԵԱՀԿ գործող նախագահին ուղղված համատեղ նամակի հիման վրա, 2025 թվականի սեպտեմբերի 1-ից դադարեցվում են ԵԱՀԿ Մինսկի գործընթացի, ԵԱՀԿ Մինսկի կոնֆերանսի կողմից քննարկվող հակամարտության վերաբերյալ ԵԱՀԿ գործող նախագահի անձնական ներկայացուցչի և Բարձր մակարդակի պլանավորման խմբի գործունեությունը:

ԵԱՀԿ քարտուղարությանը հանձնարարվել է մինչև 2025 թվականի դեկտեմբերի 1-ը ավարտին հասցնել վերոնշյալ կառույցների փակումից բխող վարչական և տեխնիկական հարցերը:

Որոշման մեջ նաև հայտարարվում է, որ ԵԱՀԿ շրջանակներում նախկինում ընդունված՝ Հայաստան-Ադրբեջան հակամարտության վերաբերյալ բոլոր որոշումներն անվավեր են և կիրառելի չեն: