Ուկրաինան «բուֆերային պետություն» է. Հունգարիայի վարչապետ

Հունգարիայի վարչապետ Վիկտոր Օրբանը հայտարարել է, որ Հունգարիան Ուկրաինային առաջարկում է ռազմավարական համագործակցություն սկսել, որը կլինի «պրագմատիկ, ճկուն և փոխշահավետ, այլ ոչ թե անդառնալի ինտեգրում»։

Այս մասին նա հայտարարել է մի հարցազրույցում, որից հատված է հրապարակել իր X սոցիալական ցանցի էջում, գրում է «Եվրոպեյսկայա պրավդան»։ Օրբանը Ուկրաինան անվանել է «բուֆերային պետություն»

«Այսօր Ուկրաինայի ճակատագիրը Ռուսաստանին սահմանակից բուֆերային պետություն լինելն է։ Մենք պատրաստ չենք ընդունել նման ճակատագիր։ Հունգարացիները հենց նոր են փախել դրանից։ Դա կարող է անհարմար, կարող է վատ լինել, բայց փաստն այն է, որ երկրի հասցեն փոխել հնարավոր չէ»,- նշել է Հունգարիայի վարչապետը։