Լեհաստանի միջադեպն ապացուցում է մեր քաղաքականության ողջամտությունը․ Օրբան

Սա ապացուցում է, որ մեր խաղաղության կոչ անելու քաղաքականությունը ողջամիտ է․ Օրբանը Լեհաստանում անօդաչու թռչող սարքերի մասին։

Հունգարիայի վարչապետ Վիկտոր Օրբանը իր X սոցիալական ցանցի էջում գրել է, որ համերաշխություն է հայտնում Լեհաստանին՝ «վերջերս անօդաչու թռչող սարքի միջադեպի կապակցությամբ»։

«Այս միջադեպը ապացուցում է, որ Ռուսաստանի և Ուկրաինայի միջև պատերազմում խաղաղության կոչ անելու մեր քաղաքականությունը ողջամիտ և ռացիոնալ է։ Պատերազմի ստվերում ապրելը լի է ռիսկերով և վտանգներով։ Ժամանակն է վերջ դնել դրան», - գրել է Օրբանը՝ ընդգծելով, որ այս առումով Հունգարիան աջակցում է ԱՄՆ նախագահ Դոնալդ Թրամփի՝ խաղաղության հասնելուն ուղղված ջանքերին։