Նիժնի Նովգորոդի օդանավակայանի ոստիկանապետ Նամիգ Մուսաևը ձերբակալվել է

Նիժնի Նովգորոդի օդանավակայանի ոստիկանության գծային բաժնի պետ Նամիգ Մուսաևը ձերբակալվել է ապօրինի միգրացիայի ուղի կազմակերպելու վերաբերյալ քրեական գործի շրջանակում։ Բաժնի պետի ձերբակալությունը հաստատել է Ռուսաստանի ՆԳՆ տրանսպորտի վարչությունը։

Հաղորդվում է, որ մի խումբ քաղաքացիների հակաիրավական գործողությունները բացահայտել են տրանսպորտային ոստիկանության սեփական անվտանգության օպերատիվ աշխատակիցները՝ Նիժնի Նովգորոդի մարզի Ռուսաստանի ԱԴԾ վարչության գործընկերների հետ համատեղ։