ՆԳՆ ոստիկանությունը զգուշացնում է․ մի պարեք ցուցանակների հետ

Համացանցում տարածվում են տեսանյութեր, որտեղ անչափահասներն ու երիտասարդները քաղաքի փողոցները մատնանշող ցուցանակներից բռնվելով՝ կատարում են պարային շարժումներ։ Թեմային անդրադարձել է ՆԳՆ-ն՝ զգուշացում տարածելով։

«Նշված գործողությունները կարող են առաջացնել անցանկալի հետևանքներ՝ նախևառաջ վտանգելով դրանք իրականացնողների առողջությունը, պատճառելով տարբեր վնասվածքներ։ Բացի այդ, կարող է վնասվել պետական գույքը, ինչն առաջացնում է օրենքով սահմանված պատասխանատվություն»,- նշված է ՆԳՆ հաղորդագրության մեջ՝ հորդորելով զերծ մնալ նման գործողություններից՝ խուսափելով անցանկալի հետևանքներից։