ՆԳՆ-ն գործարկել է «Կիբեռոստիկանություն» տելեգրամյան ալիքը

ՆԳՆ-ն ակտիվացնում է աշխատանքը սոցիալական հարթակներում՝ փորձելով այս կերպ ավելի արագ ու արդյունավետ դարձնել տեղեկատվության տարածումը։

Այդ նպատակով գործարկել է «Կիբեռոստիկանություն» տելեգրամյան ալիքը։ Հարթակը ստեղծվել է կիբեռհանցագործությունների նոր մարտահրավերների մասին քաղաքացիներին ժամանակին իրազեկելու և նրանց անվտանգությունը թվային միջավայրում ապահովելու նպատակով։

Ալիքում կհրապարակվեն օգտակար խորհուրդներ, նորություններ և կիբեռհանցագործություններից պաշտպանվելու արդյունավետ մեթոդներ։

Էջը կառավարվում է ՆԳՆ Քրեական ոստիկանության Կիբեռհանցագործությունների դեմ պայքարի վարչության կողմից։