Նեթանյահուն հաստատել է, որ կմասնակցի 2026 թվականի ընտրություններին

Իսրայելի վարչապետ Բենիամին Նեթանյահուն հայտարարել է 2026 թվականին կայանալիք խորհրդարանական ընտրություններին իր թեկնածությունն առաջադրելու մտադրության մասին՝ վստահություն հայտնելով, որ հաղթանակ կտոնի։

Այս մասին նա հայտարարել է տեղական հեռուստաալիքներից մեկին տված հարցազրույցում, որի ընթացքում անդրադարձել է իր պաշտոնավարման առանցքային պահերին, Վաշինգտոնի հետ լարվածությանը և Գազայում շարունակվող պատերազմին։ Նեթանյահուն Գազայի հակամարտությունը բնութագրել է որպես «վերածննդի պատերազմ»՝ նշելով, որ այն ուժեղացրել է Իսրայելը և ցույց տվել ազգի դիմակայունությունը։

Անդրադառնալով պատանդների բանակցությունների շուրջ քննադատություններին՝ նա հերքել է լուրերն այն մասին, թե իբր ԱՄՆ նախկին նախագահ Թրամփն է թելադրել նրանց ազատ արձակման պայմանները՝ պնդելով, որ «մենք միասին աշխատել ենք Իսրայելի համար շահավետ բանաձևի վրա»։Հարցազրույցի ավարտին Նեթանյահուն նշել է,

որ ուժ է ստանում հանրային աջակցությունից և իր կնոջից՝ Սառա Նեթանյահուից, ում նկարագրել է որպես «իմ էգ առյուծ, քաջության անսպառ աղբյուր»։ Նշենք, որ Նեթանյահուն Իսրայելի պատմության մեջ ամենաերկար պաշտոնավարած վարչապետն է։