Գազայում սկսվածը պետք է ավարտվի Գազայում. Նեթանյահու

Իսրայելի վարչապետ Բենյամին Նեթանյահուն, խոսելով ռազմական գործողության ընդլայնման մասին, հայտարարել է, որ Գազայում սկսվածը պետք է ավարտվի Գազայում: Նա նշել է, որ Իսրայելը պայքարում է ՀԱՄԱՍ-ի դեմ՝ միաժամանակ խափանելով Իրանի առանցքը Գազայում, Լիբանանում, Սիրիայում և Եմենում:

Սեպտեմբերի 2-ին 40 հազար պահեստազորայիններ են զորակոչվել՝ Գազա քաղաքը գրավելու նպատակով նոր հարձակման համար։ Ի դեպ, այդ ծրագրին դեմ են նաև Իսրայելի բարձրաստիճան զինվորականներից շատերը:

Պաղեստինյան առողջապահական մարմիններն էլ հայտնել են, որ Իսրայելի հարվածներից անցած մեկ օրում անկլավում զոհվել է առնվազն 100 մարդ, որոնցից 35-ը՝ Գազա քաղաքում: