Նեպալը չեղարկեց սոցցանցերի արգելքը 19 զոհից հետո

Նեպալում իշխանությունները չեղարկել են սոցիալական մեդիայի արգելքը՝ զանգվածային բողոքներից հետո, որոնց ընթացքում զոհվել է 19 մարդ:

Որոշումը կայացվել է սեպտեմբերի 8-ի երեկոյան՝ ի պատասխան երիտասարդության պահանջների, հայտնել է կապի նախարարը: Բոլոր հարթակներ, ներառյալ Facebook-ը, X-ը և YouTube-ը, վերականգնել են իրենց հասանելիությունը:

Ավելի վաղ արգելքը մեծ վրդովմունք էր առաջացրել. Գերագույն դատարանը պարտավորեցրել էր սոցիալական մեդիայի հարթակներին գրանցվել կապի նախարարությունում և համաձայնել մոնիթորինգին, սակայն հայտնի հարթակներից ոչ մեկը դա չէր արել:

Հազարավոր մարդիկ դուրս են եկել Կատմանդուի փողոցներ՝ կոռուպցիայի և իշխանությունների ավտորիտար մեթոդների դեմ կարգախոսներով:

Ոստիկանությունը կիրառել է արցունքաբեր գազ, մահակներ և ռետինե փամփուշտներ, մայրաքաղաքում զոհվել է 17 մարդ, ևս երկուսը՝ Իտահարիում:

Շատ բողոքողների համար սոցիալական մեդիայի արգելքը եղել է միայն «վերջին կաթիլը»: Նրանց հիմնական պահանջը եղել է կոռուպցիայի դեմ պայքարը և քաղաքացիական ազատությունների վերականգնումը: