Նացիստների գողացած կտավը 80 տարի անց հայտնաբերվել է Արգենտինայում

Իտալացի նկարիչ Ջուզեպպե Գիսլանդիի «Կնոջ դիմանկարը» կտավը, որը շուրջ 80 տարի առաջ գողացվել էր հրեա կոլեկցիոներ Ջեք Գուդստիկերի կողմից Երկրորդ համաշխարհային պատերազմի ժամանակ, հայտնաբերվել է Արգենտինայում՝ բարձրաստիճան նացիստի դստեր տունը վաճառքի հանելուց հետո:

Կտավը նկատվել է անշարժ գույքի գովազդում՝ կախված հյուրասենյակի բազմոցի վերևում: Գուդստիկերը, Ամստերդամի հաջողակ արվեստի դիլեր, օգնել է նացիստական հալածանքներից փախչող հրեաներին: Նա մահացել է ծովում՝ բեռնանավով Բրիտանիա փախչելու ժամանակ, և թաղվել է Ֆալմութում: Նրա հավաքածուից առնվազն 800 կտոր գողացել է Հերման Գյորինգը:

2000-ականների սկզբին մոտ 200 կտոր վերադարձվել է Նիդեռլանդների կառավարության կողմից նացիստների կողմից գողացված արվեստի գործերի հետաքննության արդյունքում, սակայն հարյուրավոր կտորներ, ներառյալ «Կնոջ դիմանկարը», կորել էին:

Հայտնաբերումը տեղի է ունեցել Նիդեռլանդների AD թերթի հետաքննության արդյունքում, որը պարզել է, որ կտավը գտնվում է Գյորինգի ֆինանսական խորհրդատու Ֆրիդրիխ Կադգիենի ընտանիքի մոտ: Կտավը երևացել է Արգենտինայի անշարժ գույքի գործակալության կայքում՝ նացիստի դստեր տան ներքին լուսանկարներում:

«Կոնտեսսա Կոլեոնիի դիմանկարը» գրանցված է կորած արվեստի գործերի միջազգային և Նիդեռլանդների պաշտոնական ցուցակներում:

Փորձագետները վերլուծել են Robles Casas & Campos գործակալության կայքում տեղադրված պատկերները և կարծում են, որ կտավը համապատասխանում է Գիսլանդիի գործի հայտնի չափերին և գույներին: Այլ հետազոտողներ չեն բացառում, որ նույն անձի մոտ կարող են գտնել տասնամյակներ առաջ գողացված այլ գլուխգործոցներ ևս։

Այժմ, երբ կտավի գտնվելու վայրը հայտնի է, Գուդստիկերի ժառանգները պատրաստվում են դիմել դատարան՝ այն վերադարձնելու համար: «Իմ փեսայի՝ Ջեք Գուդստիկերի արվեստի գործերի որոնումը սկսվել է 90-ականների վերջին, և ես չեմ հանձնվի»,- AD-ին ասել է 81-ամյա Մարեյ վոն Սահերը՝ հավելելով, որ իր ընտանիքը նպատակ ունի վերադարձնել Ջեքի հավաքածուից գողացված յուրաքանչյուր արվեստի գործ և վերականգնել նրա ժառանգությունը: