Ո՞ւմ կմիանան Կարապետյանները՝ քաղաքական պայքարում․ Ն․ Կարապետյանը խոստացավ ասել

Հայաստանում այսօր ավելի մեծ պատիվ է ճաղերից այն կողմում լինելը, լրագրողների հետ զրույցում ասել է ՀԷՑ-ի տնօրենների խորհրդի նախագահ Նարեկ Կարապետյանը։ Հարցին՝ արդյոք իրեն կարող են կալանավորել, նա պատասխանեց.

«Կա այդպիսի ինֆորմացիա, ինձ թվում է՝ դեռ ման են գալիս, հնարավոր է՝ ինչ-որ բան գտնեն»։ Նարեկ Կարապետյանը ճեպազրույցի ժամանակ համոզմունք է հայտնել, որ ՀԷՑ-ում սկսված խուզարկությունների շարքի պատճառը նախօրեին ի պաշտպանություն Սամվել Կարապետյանի կազմակերպված հավաքն է։ Ամեն դեպքում՝ Կարապետյանները չեն պատրաստվում պայքարը դադարեցնել։ Ո՞ւմ կմիանան քաղաքական պայքարում՝ դեռ հստակ չէ։ Նարեկ Կարապետյանը խոստացավ՝ կհայտարարեն ավելի ուշ։