Լեռնագնաց Նագովիցինայի փրկարարական գործողությունը դադարեցվել է

Լեռնագնաց Նագովիցինայի փրկարարական գործողությունը դադարեցվել է: Օգոստոսի 25-ին նախատեսվում էր դրոն ուղարկել Պոբեդայի գագաթ՝ ստուգելու, արդյոք կինը կենդանի է: Եթե նրա կենդանության նշաններ հաստատվեին, նրան կփորձեին տարհանել եվրակոպտերով, որը պետք է վարեր իտալացի օդաչուն: Սակայն եղանակային անբարենպաստ պայմանների պատճառով թռիչքը կրկին չեղարկվել է:

Ըստ ԶԼՄ-ների, բոլոր փրկարար-ալպինիստները, ներառյալ իտալացիները, հավաքել վրանները, լքել են բազային ճամբարը և սկսել իջնել: Ամենայն հավանականությամբ, ալպինիստ կնոջ և նրան օգնության հասած իտալացու մարմինները հնարավոր կլինի տարհանել միայն գարնանը:

Նատալյա Նագովիցինան չէր կարողանում շարժվել կոտրված ոտքի պատճառով և օգոստոսի 12-ից գտնվում է Պոբեդայի գագաթին՝ մոտ 7200 մ բարձրության վրա: Նրանից մի փոքր ցածր գտնվում է իտալացի ալպինիստի մարմինը, որը Նագովիցինայի հետ խմբով բարձրանում էր գագաթ և վնասվածք ստանալուց հետո նրան բերել էր սնունդ, քնապարկ և գազի այրիչ: Ենթադրաբար, նա մահացել է գլխուղեղի վնասվածքից: