Մխիթարյանը մտադիր է ավարտել իր կարիերան «Ինտերում»

Հայաստանի հավաքականի նախկին ավագ Հենրիխ Մխիթարյանը մտադիր է ավարտել իր կարիերան Միլանի «Ինտերում»։

«Չեմ ցանկանում ավարտել կարիերաս և հետո զղջալ, որ շուտ եմ ավարտել։ «Ինտերից» հետո՝ վերջ։ Չեմ ցանկանում իջեցնել մակարդակը։ Հայաստան չեմ վերադառնա։ Սաուդյան Արաբիայի նման ուղղությունները նույնպես ինձ չեն հետաքրքրում։ Ամենայն հարգանքով, բայց ես սիրում եմ ֆուտբոլը ֆուտբոլի, այլ ոչ թե փողի համար», - ԱՄՆ–ում լրագրողներին ասել է նա։