Սկանդալներով հարուստ Միսս Տիեզերք-ը․ հայերս էլ անմասն չմնացինք

Փեգգի Գարաբեկյանը, ամերիկահայ մոդել և «Միսս Տիեզերք Հայաստան 2025»-ը, միջազգային մրցույթում ներկայացրել է մի ազգային զգեստ, որը դարձել է բուռն բանավեճերի պատճառ․ քննադատները պնդում են, թե այն հեռու է ավանդական տարազից, մինչդեռ հեղինակները նշում են, որ փորձել են համադրել հայ մշակույթի բազմաշերտ տարրեր։

Հանրային կարծիքը բաժանված է․ ոմանք զգեստը համարում են ինքնության ժամանակակից ու համարձակ մեկնաբանություն, մյուսները՝ անճաշակություն։ Դիզայներ Արամ Նիկոլյանը հիշեցնում է, որ նման մրցույթներում զգեստները հաճախ ավելի մոտ են լինում դիմակահանդեսային ձևաչափին, և հայկական ներկայացումը նույնիսկ համարվել է չափազանց զուսպ։ Նիկոլյանը նկատում է, որ հասարակությունը հաճախ մեծ ուշադրություն է դարձնում անկարևորին, մինչդեռ իրական արժեքները մնում են անտեսված։