Մեծ Բրիտանիան դրոնների արտադրության նոր գործարան կբացի

Սեպտեմբերի 15-ին Միացյալ Թագավորության կառավարությունը հայտարարել է Սուինդոնում անօդաչու թռչող սարքերի արտադրության նոր գործարան բացելու մասին: Գործարանը, որը կբացվի 2026 թվականին, կկառուցի պորտուգալական Tekever ընկերությունը: Պաշտպանության նախարար Ջոն Հիլիի խոսքով՝ գործարանի բացումը առաջին անգամ հնարավորություն կտա Միացյալ Թագավորությունում արտադրել AR5 դրոններ, ինչպես նաեւ կմեծացնի գործող AR3-ի արտադրական հզորությունները: Սուինդոնը երկար ժամանակ կարեւոր դեր է խաղացել երկրի պաշտպանության գործում, քանի որ Երկրորդ համաշխարհային պատերազմի ժամանակ այստեղ արտադրվել են Supermarine Spitfire կործանիչներ:

Tekever-ի նոր գործարանում կհիմնվի նաեւ StormShroud համակարգի արտադրություն Թագավորական ռազմաօդային ուժերի համար, որը թույլ կտա ավելի ակտիվ ու, միաժամանակ, ավելի պաշտպանված օդային գործողություններ իրականացնել։