Meta-ն հաղթեց ԱՄն հակամենաշնորհային մարմնին

Ամերիկյան դաշնային դատավոր Ջեյմս Բոասբերգը վճռական կետ դրեց ԱՄՆ Դաշնային առևտրային հանձնաժողովի (FTC)՝ տեխնոլոգիական հսկա Meta-ի դեմ ուղղված հակամենաշնորհային հայցին։

Իր 89 էջանոց վճռում դատավորը հայտարարել է, որ Meta-ն չի խախտել հակամենաշնորհային օրենսդրությունը՝ ձեռք բերելով Instagram-ը և WhatsApp-ը։

Դատարանը գտել է, որ սոցիալական ցանցերի շուկան մնում է մրցակցային՝ շնորհիվ այնպիսի խաղացողների, ինչպիսիք են TikTok-ը, YouTube-ը և նորաստեղծ ընկերությունները։

Այս որոշումը հսկայական հաղթանակ է 1,51 տրիլիոն դոլար կապիտալիզացիա ունեցող Meta-ի համար և, միևնույն ժամանակ, ցավալի ձախողում՝ ԱՄՆ հակամենաշնորհային կարգավորիչների համար, որոնք փորձում էին վերահսկողություն սահմանել Big Tech ընկերությունների նկատմամբ։