Եվրոպան ի վիճակի չէ ճնշում գործադրել Պուտինի վրա․ Մերց

«Ներկայում մենք՝ եվրոպացիներս, և սա ինձ անհանգստացնում է, ի վիճակի չենք բավարար ճնշում գործադրել Պուտինի վրա՝ այս պատերազմը դադարեցնելու համար:

Մենք կախված ենք ամերիկացիների օգնությունից»,- ասել է Գերմանիայի կանցլեր Ֆրիդրիխ Մերցը իր կուսակցության՝ «Գերմանիայի քրիստոնեա-դեմոկրատական միություն»-ի YouTube-ի ալիքին տված հարցազրույցում:

Նա հիշել է շաբաթվա սկզբին Չինաստանում կայացած ՇՀԿ գագաթնաժողովը և նշել, որ բոլորը տեսնում են, թե ինչպես են Չինաստանը, Հնդկաստանը, Բրազիլիան և այլ երկրներ բացահայտորեն գործընկերություն հաստատում Ռուսաստանի հետ:

«Ինձ անհանգստացնող և, խոստովանում եմ, տխրեցնող փաստն այն է, որ մենք՝ եվրոպացիներս, այժմ աշխարհում չենք խաղում այն դերը, որը կցանկանայինք և պետք է խաղայինք՝ մեր շահերը հուսալիորեն պաշտպանելու համար: Հենց այդ պատճառով ես այդքան ակտիվորեն ներգրավված եմ այս գործընթացում, նույնիսկ եթե դա մասամբ քննադատվում է երկրի ներսում»,- ասել է նա: