Մերձավանի կրակոցներից տուժած Արծրուն Գալստյանը գիտակցության է եկել

Մերձավանի կրակոցներից հետո հիվանդանոց տեղափոխված Արծրուն Գալստյանը գիտակցության է եկել, քննիչը նրան հարցաքննել է։ Քննչական կոմիտեից հայտնում են, որ նշանակվել է դատաբժշկական փորձաքննություն: Նախաձեռնվել է քրեական վարույթ մի շարք հոդվածների հատկանիշներով։

Նախաքննության ընթացքում նշանակվել են դատաբժշկական փորձաքննություններ: Կատարվում են ապացուցողական և վարութային գործողություններ: Հիշեցնենք՝ սեպտեմբերի 23-ին՝ ժամը 23.52-ին, ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել, 2 մարդ սպանվել է, մեկը՝ վիրավորվել։ Մահացածներից մեկը համայնքի ղեկավար Վալոդյա Գրիգորյանն է։

Սպանված երկրորդ անձը ոստիկան Կարեն Աբրահամյանն է, որը հարձակման պահին ծառայության մեջ չի եղել․ նա Գրիգորյանի ընկերն է։