Պորտուգալիան ունի թույլ կողմեր, բայց դրանք քիչ են. Եղիշե Մելիքյան

Հայաստանի ֆուտբոլի ազգային թիմի գլխավոր մարզիչ Եղիշե Մելիքյանի կարծիքով` Պորտուգալիայի հավաքականն ունի թույլ կողմեր, բայց դրանք քիչ են:

«Պորտուգալիայի հավաքականը լավագույն թիմերից մեկն է Եվրոպայում, և այս թիմի հետ արդյունքի հասնելը շատ դժվար է։ Բայց դե մենք էլ ունենք տարբերակներ պայքարելու համար, ու կփորձենք չեզոքացնել մրցակցի ուժեղ կողմերը։ Յուրաքանչյուր խաղի համար ես իմ խաղային պլանն ունեմ, կօգնի, թե ոչ դա մեզ Պորտուգալիայի հետ խաղում, ցույց կտա հանդիպումը»,- լրագրողների հետ նախախաղային ասուլիսի ժամանակ ասել է Մելիքյանը:

Գլխավոր մարզիչը դեռ վերջնական որոշում չի կայացրել, թե ով է լինելու հավաքականի ավագը: