Մեկ օրում՝ 133 հանցագործություն, 20 ՃՏՊ, 1 զոհ

Հայաստանում անցած մեկ օրվա ընթացքում իրավապահ համակարգը բացահայտել է հանցագործության 133 դեպք, որոնցից 4-ը եղել են նախկինում կատարված։ Միևնույն ժամանակ, հանրապետության ճանապարհներին իրավիճակը շարունակում է մնալ լարված. գրանցվել է 20 ճանապարհատրանսպորտային պատահար, որի հետևանքով 1 մարդ զոհվել է, ևս 20-ը ստացել են տարբեր աստիճանի մարմնական վնասվածքներ։

Ըստ հրապարակված վիճակագրության, բացահայտված հանցագործությունների կառուցվածքում գերակշռել են տրանսպորտային միջոցներին առնչվող իրավախախտումները։ Մասնավորապես, արձանագրվել է 35 դեպք՝ կապված առանց համապատասխան իրավունքի կամ իրավունքից զրկված վիճակում մեքենա վարելու հետ։ Դրանց հաջորդում են թմրանյութերի հայտնաբերման 19, մարմնական վնասվածք պատճառելու 12, ֆիզիկական ներգործության 8 և խարդախության 7 դեպքերը։

Բացի այդ, իրավապահները բացահայտել են անձնական ունեցվածքի գողության 6, փաստաթղթերի կեղծիքի 5 և զենք-զինամթերքի առգրավման 3 դեպք։ Ցանկում ընդգրկված են նաև կողոպուտի, խուլիգանության, ապօրինի ծառահատման և այլ հանցատեսակներ։

Հատկանշական է, որ բացահայտվել են նաև նախկինում կատարված հանցագործություններ, այդ թվում՝ բնակարանային գողության 2, շորթման 1 և անձնական ունեցվածքի գողության 1 դեպք։

Օրվա ընթացքում հայտնաբերվել է 4 հետախուզվող, 3-ը կամավոր ներկայացել են, գտնվել է 1 անհետ կորած։ Գրանցվել է նաև զենք-զինամթերքի կամավոր հանձնման մեկ դեպք։