Մալթան սեպտեմբերին կճանաչի Պաղեստինի պետությունը. Մալթայի վարչապետ

Մալթայի վարչապետ Աբելան հայտարարել է, որ իր երկիրը պաշտոնապես կճանաչի Պաղեստինի պետությունը ՄԱԿ-ի Գլխավոր ասամբլեայում սեպտեմբերին։

«Մեր դիրքորոշումը արտացոլում է Մերձավոր Արևելքում խաղաղության հաստատմանն ուղղված ջանքերին մեր հանձնառությունը», - նշել է նա։

Բացի այդ, եվս 9 երկիր հայտարարել է նման քայլ ձեռնարկելու մտադրության մասին՝ Անդորրա, Ավստրալիա, Կանադա, Իսլանդիա, Լյուքսեմբուրգ, Նոր Զելանդիա, Պորտուգալիա, Սան Մարինո և Ֆինլանդիա։

Նշվում է, որ ԵՄ 27 երկրներից 12-ն արդեն ճանաչել են Պաղեստինի պետությունը։