Լուվրի թանգարանից հափշտակվել են կայսրուհի Եվգենիայի թագը

Հայտնի են դարձել մանրամասներ՝ Լուվրի թանգարանից հոկտեմբերի 19-ին տեղի ունեցած խոշոր կողոպուտի հետևանքով հափշտակված թագավորական զարդերի վերաբերյալ։ Ընդհանուր առմամբ, հանցագործներին հաջողվել է տանել ֆրանսիական կայսրերին պատկանող 9 թանկարժեք իր։ Իշխանությունները հրապարակել են դրանցից հինգի նկարագրությունը, որոնց արժեքը բնութագրվում է որպես «անգնահատելի»։.

Առաջինը կայսրուհի Եվգենիայի թագն է՝ զարդարված 212 մարգարիտով, 1998 շողշողուն և 992 վարդագույն երանգի ադամանդներով։ Երկրորդը կայսրուհի Եվգենիայի դեկորատիվ ժապավենաձև կրծքազարդն է՝ պատված 2438 շողշողուն և 196 վարդագույն երանգի ադամանդներով։

Ցուցակում է նաև 1855 թվականին պատրաստված «Կայսրուհի Եվգենիա» կրծքազարդը։ Գողացվել է նաև շափյուղաներով ականջօղի մի կտորը, որը ժամանակին կրել են Հորտենզիա թագուհին՝ Լուի Բոնապարտի կինը, և Մարիա-Ամելիա թագուհին՝ Լուի-Ֆիլիպ I-ի կինը։

Հանցագործները տարել են նաև զմրուխտներով և ադամանդներով վզնոցը, որը Նապոլեոնն իր երկրորդ կնոջը՝ Մարիա-Լուիզային էր նվիրել։ Զուտ նյութական արժեքի հետ՝ գողացված իրերը նաև պատմամշակութային հսկայական արժեք են ներկայացնում Ֆրանսիայի համար։