Լուկաշենկոն կոչ է անում զարգացնել կրիպտոմայնինգը

Բելառուսի նախագահ Լուկաշենկոն կոչ է արել երկրում ակտիվորեն զարգացնել կրիպտոարժույթների մայնինգը՝ այն դիտարկելով որպես դոլարային կախվածությունից ազատվելու կարևոր գործիք։ Նա այս ոլորտը բնութագրել է որպես Բելառուսի էլեկտրաէներգետիկայի զարգացման գերակա ուղղություններից մեկը։

Արձագանքելով մայնինգի անկայունության և ռիսկերի վերաբերյալ խորհրդակցության մասնակիցների մտահոգություններին՝ Բելառուսի նախագահը կոչ է արել չանհանգստանալ։

Սա առաջին անգամը չէ, որ Լուկաշենկոն խոսում է կրիպտոարժույթները զարգացնելու անհրաժեշտության մասին։ Այս տարվա մարտին նա արդեն հանձնարարել էր էներգետիկայի նախարար Ալեքսեյ Կուշնարենկոյին՝ երկրում առկա էլեկտրաէներգիայի ավելցուկն ուղղել մայնինգի զարգացմանը՝ այդպիսով խթանելով ոլորտի աճը։