Լուկաշենկոն պատրաստ է հյուրընկալել Պուտինին, Թրամփին և Զելենսկուն

Բելառուսի նախագահ Ալեքսանդր Լուկաշենկոն պատրաստակամություն է հայտնել Մինսկում Պուտինի, Թրամփի և Զելենսկու միջև բանակցություններ կազմակերպել։

Նրա խոսքով՝ Վլադիմիր Պուտինը ուրախ կլինի Բելառուսի մայրաքաղաքում հանդիպել Դոնալդ Թրամփի հետ։ «Ամերիկացի առաջնորդը նույնպես գոհ կլինի հանդիպումից». ընդգծել է Ալեքսանդր Լուկաշենկոն։

Բելառուսի նախագահը կարծում է, որ նման բանակցություններին չի կարելի մոտենալ ինքնաբուխ կերպով. դրանք պահանջում են նախնական մշակում և նախապատրաստություն։

«Եկեք նախապես որոշենք. օրինակ, հերոս քաղաք Մինսկը, Ստամբուլը, Ժնևը։ Մենք որոշեցինք՝ այս հանդիպումը տեղի կունենա մեկ ամսից։ Առաջին օրը մենք քննարկում ենք, օրինակ, ամերիկա-ռուսական հարաբերությունները։ Երկրորդ օրը, եթե մենք համաձայնության գանք փաստաթղթի նախագծի շուրջ, կհրավիրենք Զելենսկիին, Լուկաշենկոյին, Պետրովին, Սիդորովին։ Սա լավ տեսք կունենա», - ասել է նա։

Անդրադառնալով ԱՄՆ-ի հետ հարաբերություններին՝ Լուկաշենկոն ասել է, որ ինքը «թրամփամետ» է, երբեք Բայդենի կողմնակիցը չի եղել։ Միաժամանակ ընդգծել է, որ ԱՄՆ նախագահը «շատախոս է՝ առավոտյան մի բան է ասում, երեկոյան այլ բան անում»: