Պորտուգալիայում սուգ է հայտարարվել ֆունիկուլյորի վթարի զոհերի համար

Պորտուգալիայում սուգ է հայտարարվել ֆունիկուլյորի վթարի զոհերի համար։

«Մեր քաղաքը դեռ երբեք նման ողբերգություն չի տեսել», - ասել է քաղաքապետ Կառլուշ Մուեդաշը։

Հիշեցնենք, որ սեպտեմբերի 3-ին Լիսաբոնի հայտնի «Գլորիա» ֆունիկուլյորը դուրս է եկել ռելսերից և, սահելով զառիվայր փողոցով, բախվել է շենքին։ Հարվածի ուժգնությունից վագոնը «ծալվել է, ինչպես թղթե տուն», պատմել է ականատեսներից մեկը SIC հեռուստաալիքին։

Վթարի հետևանքով զոհվել է առնվազն 15 մարդ, վիրավորվել է 18-ը, որոնցից 5-ը՝ ծանր։ Զոհերի և տուժածների ազգությունների մասին դեռ տեղեկություններ չեն հաղորդվում, սակայն հայտնի է, որ նրանց թվում կան օտարերկրացիներ։