Լեհաստանի ԳՇ պետը զգուշացրել է երկրի վրա հարձակման նախապատրաստության մասին

Լեհաստանի վրա զինված հարձակում է նախապատրաստվում։ Այսպիսի տագնապալի հայտարարություն է արել Լեհաստանի Զինված ուժերի գլխավոր շտաբի պետ, գեներալ Վիեսլավ Կուկուլան։

«Թշնամին սկսել է պատրաստվել պատերազմի։ Ստեղծվում են պայմաններ, որոնք նպաստում են Լեհաստանի տարածքում հնարավոր ագրեսիայի», - նշել է նա՝ ընդգծելով իրավիճակի լրջությունը։

Այս ֆոնին Ֆրանսիայի նախագահ Էմանուել Մակրոնը, ելույթ ունենալով Վլադիմիր Զելենսկիի հետ համատեղ ասուլիսում, հիշեցրել է ԱՄՆ նախագահ Դոնալդ Թրամփի՝ Ուկրաինայում պատերազմը 24 ժամում դադարեցնելու խոստման մասին։

«Ես նշում եմ, որ այլ ժողովրդավարություններում... որտեղ որոշ թեկնածուներ ասում էին, որ ամեն ինչ կավարտվի 24 ժամվա ընթացքում... իրականության հետ բախումը կարող է փոխել իրավիճակը», - ասել է Մակրոնը՝ թերահավատություն հայտնելով նման խոստումների իրագործելիության վերաբերյալ։