Վրաստանի սահմանին հայկական գազատարների կուտակման խնդիրը կլուծվի․ Գևորգ Պապոյան

ՀՀ էկոնոմիկայի նախարար Գևորգ Պապոյանը իր ֆեյսբուքյան էջում գրել է․ «Միայն հուլիսի 14-ին Վրաստանից Հայաստան է մտել հեղուկ գազով բեռնված 44 բեռնատար»,– նշել է Պապոյանը՝ ընդգծելով, որ նախարարությունը աշխատում է խնդիրը կարգավորելու ուղղությամբ։

Ավելի վաղ լրատվամիջոցները հաղորդել էին, որ Ստեփանծմինդա-Լարս վրացական մաքսային հաշվառման կետում մի քանի օր է՝ կուտակված են Ռուսաստանից Հայաստան ուղևորվող հայկական գազատար մեքենաները։

Վարորդների խոսքով՝ վրացական կողմը խստացրել է վերահսկողությունը. բոլոր մեքենաները ենթարկվել են ռենտգեն ստուգման, իսկ դրանից հետո վարորդներից առանց բացատրությունների խլել են փաստաթղթերը։

Մատակարարումների ուշացումների հետևանքով Հայաստանում հեղուկ գազի գինը բարձրացել է մոտ 50 դրամով։