ՌԴ հարվածներից Կիևում վնասվել են ԵՄ և Բրիտանական խորհրդի գրասենյակները

ՌԴ ուժերի՝ օգոստոսի 27-ի լույս 28-ի գիշերվա հարձակումների հետևանքով վնասվել է Կիևում Բրիտանական խորհրդի գրասենյակը: Վարչությունից հայտնել են, որ այն կմնա փակ այցելուների համար մինչև հետագա ծանուցումը:

Ավելի վաղ, օգոստոսի 28-ի առավոտյան, Ուկրաինայի ԱԳ նախարար Սիբիհան հայտնել էր Կիևում ռուսական հարվածների հետևանքով ԵՄ ներկայացուցչության շենքի վնասման մասին:

ԵՄ-ն Բրյուսելում կանչել է ՌԴ դեսպանին՝ Կիևում Եվրամիության ներկայացուցչության շենքի վնասման կապակցությամբ: Այս մասին հայտարարել է ԵՄ արտաքին գործերի եւ անվտանգության քաղաքականության բարձր ներկայացուցիչ Կայա Կալասը: «Ոչ մի դիվանագիտական առաքելություն չպետք է դառնա թիրախ», - ընդգծել է նա ներկայացուցչության աշխատակիցների հետ հեռախոսային խոսակցությունից հետո: