Ուկրաինայի հետ օդային հաշտություն չի քննարկվում. Պեսկով

Կրեմլի մամուլի քարտուղար Դմիտրի Պեսկովը հայտարարել է, թե Մոսկվան տեղյակ չէ NYT-ի հաղորդագրության մասին, որում ասվում է, որ ռուսական հետախուզական անօդաչու թռչող սարքերն իբր թռչում են Գերմանիայում ԱՄՆ-ի զենքի մատակարարման ուղիների վրայով:

«Հյուսիսային հոսք» խողովակաշարերի վրա տեղի ունեցած ահաբեկչության վերաբերյալ արևմտյան հետաքննությունը Մոսկվայում շատ չեն հավատում, քանի որ Ռուսաստանի հետ կապ չեն հաստատել:

Պեսկովը նաև Պուտինի անձի շուրձ պտտվող թեմաներին է անդրադարձել։

Հայտարարել է, որ նա աշխարհի ամենահաջողակ առաջնորդներից մեկն է: «Պուտինի ազդեցությունը համաշխարհային գործերում դժվար է գերագնահատել, ուստի նրա անձի նկատմամբ հետաքրքրությունը բնական է»,- նշել է Պեսկովը և հավելել, որ Կրեմլը ըմբռնումով է վերաբերվում «Կրեմլի կախարդը» ֆիլմի նկարահանումներին։

ՌԴ կառավարությունը եռանդուն միջոցներ է ձեռնարկում բենզինի գների կայունությունն ապահովելու համար, և իրավիճակը վերահսկվում է, նշել է Պեսկովը, վստահեցրել, որ Ռուսաստանի վառելիքի շուկան լիովին ապահովված է:

Կրեմլի խոսնակն անդրադարձել է նաև ռուս-ուկրաինական պատերազմին։ Ուկրաինայի հետ օդային հաշտություն ձեռք բերելու վերաբերյալ ոչ մի համաձայնություն չի ձեռք բերվել, հստակեցրել է նա։

Ի դեպ, օգոստոսի 27-ի լույս 28-ի գիշերը կողմերը ևս մեկ անգամ ապացուցեցին, որ զինադադարի թեմա չկա։ Հիմնականում հենց օդային հարվածներ են փոխանակել։