Կրասնոյարսկում ռազմական ինքնաթիռը վթարային վայրէջք է կատարել

Կրասնոյարսկի երկրամասում գտնվող Չերեմշանկա օդանավակայանը փակվել է Իլ-76 ինքնաթիռի վթարային վայրէջքի պատճառով, հայտնում է ՏԱՍՍ-ը՝ հղում անելով տարածաշրջանի տրանսպորտի նախարարությանը։

Ըստ տելեգրամյան ալիքների, ինքնաթիռը օդ է բարձրացել տեղական ժամանակով ժամը 6:30-ին (Մոսկվայի ժամանակով 2:30), սակայն շարժիչի հետ կապված խնդիրների պատճառով ստիպված է եղել վթարային վայրէջք կատարել։ Իլ-76 ռազմական ինքնաթիռը դուրս է եկել թռիչքուղու սահմաններից, զոհեր չեն գրանցվել։