Գյումրիում ձերբակալվել է ՔՊ-ական պատգամավոր Կարեն Սարուխանյանի զոքանչը

Գյումրու համայնքապետարանի ձերբակալված աշխատակիցներից մեկը «Քաղաքացիական պայմանագիր» խմբակցության պատգամավոր Կարեն Սարուխանյանի զոքանչն է։ Այդ մասին հայտնում է Սպուտնիկ Արմենիան։

«Այո խոսքը իմ զոքանչի մասին է, որը համայնքապետարանի աշխատող էր երկար տարիներ, դեռ Վարդան Ղուկասյանից առաջ, կրթության բաժնի առաջատար մասնագետի ժամանակավոր պաշտոնակատար է»,- News .am-ի հետ զրույցում հաստատել է Կարեն Սարուխանյանը։

Հարցին՝ դուք չե՞ք պատրաստվում միջնորդել կամ իշխանական ձեր լծակները օգտագործել, որ նրան ազա՞տ արձակեն, պատգամավորը պատասխանել է. «Բացարձակ, ես վստահում եմ մեր իրավապահ համակարգին և ընդունելու եմ այն որոշումը, որ կայացնելու են իրավապահ մարմինները»։

Հիշեցնենք, որ հոկտեմբերի 20-ին է Գյումրիում հրմշտոց արձանագրվել մի խումբ քաղաքացիների, համայնքապետարանի աշխատակիցների և ուժային կառույցներ ներկայացուցիչների միջև։ Վերջիններս Գյումրի էին ժամանել համայքապետարանի որոշ պաշտոնյաների, այդ թվում՝ համայնքի ղեկավար Վարդան Ղուկասյանին ձերբակալելու համար։