Կոտայքի մարզի Զովունի գյուղում հրդեհ է բռնկվել

Սեպտեմբերի 26-ին՝ ժամը 15։18-ին, ՆԳՆ Փրկարար ծառայությունը ահազանգ է ստացել, որ Կոտայքի մարզի Զովունի գյուղի 2-րդ փողոցում այրվում է խոտածածկույթ:

ՆԳՆ-ի փոխանցմամբ՝ «1 ԲԻՍ» բարդության կանչով դեպքի վայր են մեկնել ՓԾ Երևանի չորս հրշեջ հաշվարկ և օպերատիվ ու բժշկական ապահովման խմբեր։

Ըստ նախնական տվյալների՝ այրվում են չշահագործվող ավտոմեքենաներ, տանը կից խորդանոց և խոտածածկույթ։ Հրդեհաշիջման աշխատանքները շարունակվում են: